શું સનાતન ધર્મમાં ખરેખર 33 કરોડ દેવી-દેવતા ? વર્ષોથી થતાં દાવામાં જાણો શું છે સત્ય.

હિંદુ ધર્મને પૌરાણિક કથાઓ અને રહસ્યોનો ભંડાર કહેવામાં આવે છે. હિંદુ ધર્મ સાથે કેટલીક એવી વસ્તુ જોડાયેલ છે, જેના હજુ સુધી જવાબ મળી શક્યા નથી અને તેના પર સંશોધન કરવામાં આવી રહ્યું છે. ઉપરાંત લોકોમાં કેટલાક ભ્રમ પણ ફેલાઈ રહ્યા છે. હિંદુ દેવી દેવતાઓની સંખ્યા પણ આવો જ એક વિષય છે. હિંદુ ધર્મમાં 33 કરોડ દેવી દેવતા છે. કોટિ શબ્દનો શાબ્દિક અર્થ સમજીએ તો તેનો અર્થ કરોડ થાય છે. તે પ્રકારે દેવી દેવતાનો અર્થ 33 કરોડ દેવી દેવતા સમજવામાં આવે છે.

શું છે સત્ય?
હિંદુ ધર્મમાં 33 કરોડ દેવી દેવતા છે. આ બાબતે અલગ અલગ મતમતાંતર પ્રવર્તી રહ્યા છે. આ બાબતે અનેક વિદ્વાન અને જાણકારોએ પોતપોતાનો મત વ્યક્ત કર્યો છે, પરંતુ હજુ સુધી તે બાબતે મૂંઝવણ છે. લોકો કોટિ શબ્દનો અર્થ સમજવામાં ભૂલ કરી બેસે છે. કોટિ શબ્દના બે અર્થ છે; 1- પ્રકાર અને 2- કરોડ. મોટાભાગના લોકો કરોડ વિશે જ દાણે છે. કોટિનો અર્થ પ્રકાર પણ થાય છે- જેથી 33 પ્રકારના દેવી દેવતા.

33 કોટિ દેવી દેવતાનું લિસ્ટ

33 કોટિ દેવી દેવતાની વાત કરવામાં આવે તો તેમાં 8 વસુ, 11 રૂદ્ર, 12 આદિત્ય, ઈંદ્ર અને પ્રજાપતિ શામેલ છે. અનેક સ્થળોએ ઈંદ્ર તથા પ્રજાપતિના સ્થાને બે અશ્વિની કુમારને 33 કોટિમાં શામેલ કરવામાં આવ્યા છે.

8 વસુના નામ- 1. આપ 2. ધ્રુવ 3. સોમ 4. ધર 5. અનિલ 6. અનલ 7. પ્રત્યૂષ 8. પ્રભાષ
11 રુદ્રના નામ- 1. મનુ 2. મન્યુ 3. શિવ 4. મહત 5. ઋતુધ્વજ 6. મહિનસ 7. ઉમતેરસ 8. કાલ 9. વામદેવ 10. ભાવ 11. ધૃત-ધ્વજ
12 આદિત્યના નામ- 1. અંશુમન 2. અર્યમન 3. ઇન્દ્ર 4. ત્વષ્ટા 5. ધાતુ 6. પર્જન્ય 7. પૂષા 8. ભગ 9. મિત્ર 10. વરુણ 11. વૈવસ્વત 12. વિષ્ણ